Walang nakaka-alam kung hanggang kalian ka mabubuhay sa mundong ibabaw. Sa kasamaang palad, may mga Overseas Filipino Workers (OFW) na sa ibang bansa na nababawian ng hininga. Uuwi na lamang sila na nasa loob na ng malamig na kabaong.
Isang 69-year-old na Pinoy ang nakitang wala nang buhay sa kanyang bahay sa California. Ang biktima ay nakilala sa pangalang Dante Bautista-Batimana.
Noong January 28, nakita ang katawan ni Batimana na may mga saksak. Ito ang sinasabing dahilan ng kanyang pagkamatay.
Ang kasama sa bahay ni Batimana ang nakakita sa kanyang katawan. Ayon sa ‘di pinangalanang kasama sa bahay, may mga saksak sa katawan si Batimana nang makita niya ito sa loob ng kanilang bahay sa 21200 block of Trigger Lane.
Ayon sa Facebook account ni Batimana, siya ay nagtatrabaho bilang isang real estate agent ng Diamond Bar.
Ayon naman sa mga paramedics, si Batimana ay binawian ng buhay dakong 3:12 ng hapon. Nagtamo ang biktima ng stab wounds sa iba’t ibang parte ng kanyang katawan. Ito ay kinumpirma ng Los Angeles County Sheriff Department.
“We want to question everybody,” sabi ni Lt. Charles Calderaro. “But we have not identified a suspect,” he added.
Sa ngayon, hindi pa naiuuwi ang mga labi ni Batimana sa Pilipinas.
